«Алатау» балалар клиникалық шипажайының кішкентай емделушілері қазақтың көрнекті ақыны Абай Құнанбаевтың өлеңдерін оқып,әндерін шырқап жатыр. Бұл күндері Қазақстанда Абай күндері аталып өтуде. Шипажай ұстаздары балаларға ақын, ойшыл, философ туралы айтып, олармен бірге оның өлеңдерін оқып, әндерін шырқап жатыр.
Мамандардың айтуынша, Абай Құнанбаев мұрасын насихаттау қазақ балаларының тәрбиесі мен білімі үшін маңызды. Себебі терең философиялық ойларға, өнегелік сабақтар мен мәдени құндылықтарға толы оның шығармалары балаларға көркем ләззат қана емес, сонымен қатар маңызды өмірлік бағдар береді.
Абайдың поэзиясы мен философиясы білім мен өзін-өзі жетілдірудің маңыздылығынан бастап, адамгершілік қағидалар мен әлеуметтік нормаларға дейінгі көптеген тақырыптарды қамтиды.
«Абай мұрасын насихаттау арқылы біз балаларға өз мәдениетінің байлығын түсінуге және бағалауға, олардың тамыры мен дәстүрін тереңірек білуге көмектесеміз. Оның шығармалары ана тілін құрметтеуге, білімге деген сүйіспеншілікке, биік адамгершілікке баулиды. Олар жас ұрпақты тұлғалық өсуге, адалдыққа, отансүйгіштікке баулиды», — дейді шипажайдың ұстазы Гүлжанат Өтебердиева.
Сонымен қатар, Абай шығармаларымен танысу мәдени болмыс пен ұлттық сананы нығайтуға көмектеседі. Оның шығармаларын қазақ балалары оқып қана қоймай, оларды белсенді түрде талқылап, талдап, алған білімдерін өмірінде қолдануы маңызды.
«Алатау» балалар клиникалық санаторийі тау-курорттық аймақта (теңіз деңгейінен 1430 метр биіктікте) орналасқан республикадағы жалғыз балалар санаторий. Шипажай соматикалық патологиясы бар 3 жастан 14 жасқа дейінгі балалардың денсаулығын жақсартуға арналған.