Рубрика: Жаңалықтар

21 мамыр күні «Алатау» балалар клиникалық санаторийінде жер сілкінісі кезіндегі іс-қимыл бойынша оқу-жаттығу өтті. Шипажай қызметкерлері кәсібилік пен байсалдылық танытып, балаларды төтенше жағдайлардың алдын алу шараларын сақтайтын қауіпсіздік аймағынан тыс жерге көшіруді тиімді ұйымдастырды.

Балалар санаторийлерінде сейсмикалық дайындықтың маңызы зор. Өйткені мұндай оқыту балалар мен санаторий қызметкерлеріне жер сілкінісі кезінде өзін тиімді ұстау үшін қажетті дағдылар мен білім алуға көмектеседі. Бұл эвакуациялау дағдыларын, қауіпсіз орындарды табуды және алғашқы көмек көрсетуді қамтуы мүмкін.

Жер сілкінісі кенеттен орын алуы мүмкін және тез әрекет ету адамдардың өмірін сақтап қалуы мүмкін. Тұрақты сейсмикалық жаттығуларды өткізу қызметкерлер мен балалардың төтенше жағдайларға ден қоюын жақсартуға, олардың дайындығын арттыруға көмектеседі.

Жер сілкінісі кезінде не істеу керектігін білу балалар үшін де, қызметкерлер үшін де дүрбелең мен стресс деңгейін төмендетеді. Бұл оларға төтенше жағдайлар кезінде сабырлы болуға және саналы шешім қабылдауға мүмкіндік береді.

Естеріңізге сала кетейік, 21 мамырда Алматыда бүкіл қаланы қамтыған ауқымды сейсмикалық оқу-жаттығу өтті. Сағат 10:00-де қала бойынша сиреналар естіліп, тұрғындарды оқу-жаттығу шарасына қатысуға шақырды.

2024 жылдың 16 мамырында «Алатау» балалар клиникалық санаторийінің қызметкерлері Алматы қаласы мәслихатының депутаты Диана Ерланмен және АМАНАТ партиясы Медеу аудандық филиалының басшысы Азат Әжімановпен кездесті.

Кездесу аясында  директор қ.а Жәмилә Баттақова қонақтарды балалар санаторийі қызметінің негізгі аспектілерімен қысқаша таныстырды.

«Алатау» балалар клиникалық санаторийі тау-курорттық аймақта (теңіз деңгейінен 1430 метр биіктікте) орналасқан республикадағы жалғыз балалар санаторий. Шипажай соматикалық патологиясы бар 3 жастан 14 жасқа дейінгі балалардың денсаулығын жақсартуға арналған.

Алматы қаласы мәслихатының депутаты Диана Ерлан «111 АМАНАТ» бірыңғай мемлекеттік байланыс орталығының отбасы, әйелдер және балалардың құқықтарын қорғау мәселелері бойынша жұмысына тоқталды. Ол сондай-ақ ағымдағы жылдың 16 маусымында «Қазақстан Республикасының кейбір заңнамалық актілеріне әйелдердің құқықтары мен балалардың қауіпсіздігін қамтамасыз ету мәселелері бойынша өзгерістер мен толықтырулар енгізу туралы» Заңының, сондай-ақ осыған байланысты Кодекске өзгерістер мен толықтырулар енгізу туралы заңның күшіне енгенін еске салды.

Балалар шипажайының қызметкерлері өзекті және маңызды тақырыптарды қозғады, соның ішінде қураған ағаштардың санын азайту және аумақтың қауіпсіздігін қамтамасыз ету үшін қураған ағаштардан тазарту керектігін айтты. Сонымен қатар келушілер үшін аумақты таза және қауіпсіз ұстау үшін қаңғыбас иттермен күрес шаралары туралы айтты. №141 маршруттық автобусты шипажайдың қақпасына дейін ұзарту туралы ұсыныс жасалды. Бұл  шипажай қонақтарының өтініші бойынша жақын жердегі аялдамадан айтарлықтай қашықтықты (аялдамадан санаторийге дейінгі қашықтық 900 м астам) ескере отырып, талқылауға шығарылды.

Одан кейін шипажай қызметкерлері әлеуметтік мәселелерді көтеріп, оларға қанағаттанарлық жауап алды.

2024 жылдың 2 мамырында «Алатау» балалар клиникалық санаторийінің мамандары бөлімшелерге клиникалық тексеріс жүргізді. Клиникалық тексерістер балалар санаторийлеріндегі медициналық көмектің маңызды элементі болып табылады. Осы арқылы шипажайдағы дәрігерлер мен басқа да медициналық мамандар баланың денсаулығын бағалап,  денсаулық проблемаларын анықтап және емдеп, түзетеге мүмкіндік алады.

«Алатау» шипажайында балалар реабилитологтар, педиатрлар, пульмонологтар мен мұғалімдердің бақылауында. Мұнда Қазақстанның түкпір-түкпірінен келген емделушілер санаториялық-курорттық сауықтыру курсынан өтеді. Сондықтан мұнда әр баланың жеке жағдайын ескере отырып, қалпына келтіру бағдарламасы анықтайды.  Балалар емдік, спелеотерапия, фототерапия, шунгит терапиясы, ультракүлгін сәулелену,  магнит, электрофорез, Биоптрон, кварц, су процедуралары, Шарко душ, ванналар, парафин және балшық терапиясының толық спектрін алады. Климатотерапия кезінде балалар таза ауада серуендейді.

Еске сала кетсек, «Алатау» балалар клиникалық шипажайы тау-курорттық аймақта (теңіз деңгейінен 1430 метр биіктікте) орналасқан республикадағы жалғыз балалар санаторий. Шипажай соматикалық патологиясы бар 3 жастан 14 жасқа дейінгі балалардың денсаулығын жақсартуға арналған.

«Алатау» балалар клиникалық шипажайында 1 мамыр – Қазақстан халықтарының бірлігі күніне орай мерекелік шара өтті. Шипажай қызметкерлері мәжіліс залында түрлі  ұлттық киімдердің  сән-салтанатын көрсетті.

Шара салтанатты түрде ашылып, «Алатау» балалар клиникалық санаторийінің меңгерушісі Жәмила Баттақова қазақ халқының бірлігі мен сан алуандығын мақтанышпен айтты. Әрі қарай әр ұлттан келген қызметкерлер тамаша халық билері мен әндерін орындап, таңғажайып мәдениетті қойылым көрсетті.

Бұл күн Қазақстан халқы үшін ірі мейрамдардың  бірі, сол себептен бұл мейрам еліміздің барлық өңірлерінде аталып өтеді. Басты мақсат — ел ішіндегі түрлі ұлт пен дін өкілдерінің бір-біріне деген сый-құрметін арттырып,  татулықты, бірлікті, ортақ құндылықтарды  насихаттау.

«Қазақстан халқының бірлігі күні тек мереке ғана емес, сонымен қатар алуандығымыз біздің байлығымыз екенін еске салатын күн», — деді «Алатау» балалар клиникалық санаторийі директорының  м.а.  Жәмила Баттақова.

«Алатау» балалар клиникалық санаторийінің ұжымы SENIM медицина қызметкерлерінің кәсіподақ ұйымына өз алғысын білдіреді.

Сәуірдің 24 күні SENIM медицина қызметкерлерінің кәсіподағы «Алатау» балалар клиникалық шипажай балаларына баланы дамытатын ойыншықтарын сыйға тартты. Мұндай сыйлықты кәсіподақ алда келе жатқан Балаларды қорғау күніне орайластырып берді.

«Сіздердің жұмыстарыңыз оңай емес. Республика бойынша балалар сіздерге денсаулығын түзеу үшін келеді. Үлкені бар, кішісі бар, ата-аналар бар. Бір-бір үйдің еркесі, солардың барлығының көңілінен шығасыздар. Сіздерге осы кәсіподақ атынан кішкентай, осындай ұрпақтарымызға денсаулығын түзету барысында көңіл күйлері көтеріңкі болсын деп,  «1-маусым — Халықаралық балаларды қорғау күні» орай осындай сыйлық беруді шештік», — дейді кәсіподақ өкілі.

Мамандардың айтуынша, балаларды дамытатын ойыншықтар бүлдіршіндердің ойын арқылы жаңа дағдылар мен түсініктерді меңгеруіне көмектесе отырып, психикалық және физикалық дамуды ынталандырады. Бұл жаттығулар мен емдеуді қызықты әрі тиімді етудің тамаша тәсілі. Сондықтан балаларға ұсақ моториканы дамытатын ойыншықтар, шахмат, үстел ойындары, құрылыс жинақтары берілді.

«Алатау» балалар клиникалық санаторийі тау-курорттық аймақта (теңіз деңгейінен 1430 метр биіктікте) орналасқан республикадағы жалғыз балалар санаторий. Шипажай соматикалық патологиясы бар 3 жастан 14 жасқа дейінгі балалардың денсаулығын жақсартуға арналған.

ҚР Денсаулық сақтау министрі Ақмарал Әлназарова депутаттар мен сарапшылар қауымдастығына «Қазақстан Республикасының кейбір заңнамалық актілеріне денсаулық сақтау мәселелері бойынша өзгерістер мен толықтырулар енгізу туралы» Қазақстан Республикасының Заңын әзірлегені және насихаттағаны үшін өз алғысын  білдірді.

Бұл құжаттың ерекшеліктері туралы министр Ақмарал Шәріпбайқызы әлеуметтік желіде жазды.

«Бұл қабылданатын шаралар денсаулық сақтау саласын нығайтуға және медицина қызметкерлеріне жақсы жағдай жасауға көмектесетініне сенімдімін. Бұл Заң көптеген адамдардың бірлескен күш-жігерінің жемісі. Мен  Парламент депутаттарына, сарапшылар қауымдастығына және осы құжатты әзірлеуге және насихаттауға атсалысқандардың барлығына шын жүректен алғысымды білдіргім келеді», – деп жазды министр Ақмарал Әлназарова.

Бұған дейін хабарлағанымыздай, ел президенті Қасым-Жомарт Тоқаев «Қазақстан Республикасының кейбір заңнамалық актілеріне денсаулық сақтау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды.

✅  Заңның негізгі мақсаттарының бірі – медицина қызметкерлерін қолдау. Лайықты еңбек жағдайларын қамтамасыз етуге және олардың қоғамдағы маңызды рөлін тануға бағытталған түзетулер қабылданды.

✅  Енді медицина қызметкерлері балалары үшін тұрғылықты жері бойынша мектепке дейінгі ұйымдардан басым орындар алуға, сондай-ақ кәсіптік қызметке заңсыз араласудан және кедергілерден қорғауға құқылы.

✅  Еліміздің денсаулық сақтау саласына сүбелі үлес қосып жүрген көрнекті медицина қызметкерлеріне алғаш рет «Қазақстанның еңбек сіңірген дәригері» құрметті атағы тағайындалды.

✅  Сонымен қатар, медицина қызметкерлері үшін әкімшілік рәсімдерді жеңілдету үшін олар қажетсіз есеп беру мен ақпарат беруден босатылды.

✅  Ауылдық елді мекендерге кемінде 5 жыл мерзімге жұмыс істеуге келген өткір тапшылық мамандықтары бойынша медицина қызметкерлеріне ең төменгі жалақының жүз еселенген мөлшерінде біржолғы төлемдер заңмен қарастырылған.

✅  Заң темекі шегуге болмайтын темекі өнімдерін, вейптерді, хош иістендіргіштер мен оларға арналған сұйықтықтарды сатуға, таратуға және жарнамалауға тыйым салады. Бұл халық арасында зиянды әдеттердің таралуына қарсы күресте маңызды қадам болып табылады. Қазақстан Орталық Азия аймағында бірінші болып vapes таратуға заңды түрде тыйым салды және бұл өскелең ұрпақтың денсаулығын нығайтудағы елеулі жетістік.

19 сәуір күні Қазақстан Президенті Қасым-Жомарт Тоқаев «Қазақстан Республикасының кейбір заңнамалық актілеріне денсаулық сақтау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды, деп хабарлайды Ақорданың баспасөз қызметі.

Заң медицина қызметкерлерін құқықтық және қаржылық тұрғыдан қорғау жүйесін енгізуге және олардың жауапкершілігін арттыруға, сондай-ақ жастар арасында құрамында никотині бар заттардың таралуының алдын алу және оған қарсы күресу үшін жүйелі шаралар қабылдауға бағытталған.

Заң арқылы медицина қызметкерлерінің кәсіби жауапкершілігін сақтандыру тетігі енгізілді (Заң ресми жарияланғаннан кейін 6 ай өткен соң қолданысқа енеді).

Сонымен қатар медицина қызметкерлерін қолдауға бағытталған түзетулер қабылданды. Атап айтқанда:
— тұрғылықты жері бойынша мектепке дейінгі ұйымдардан балалары үшін басым тәртіппен орын алу, кәсіби қызметіне заңсыз араласудан және кедергі келтіруден қорғау, мамандығына құрметпен қарау, медициналық мамандығы бойынша әскери қызметін өткеру немесе әскери қызметке шақыруды кейінге қалдыру құқықтары берілді;
— «Қазақстанның еңбек сіңірген дәрігері» құрметті атағы – мемлекеттік наградасы белгіленді;
— Басы артық есеп немесе ақпарат беруден босату үшін денсаулық сақтау саласындағы уәкілетті орган бұдан былай медицина қызметкерлері толтыруға міндетті құжаттама тізбесін бекітеді;
— Аса тапшы мамандықты меңгерген медицина қызметкерлері ауылдық жерге кемінде 5 жыл жұмыс істеуге келген жағдайда, оған ең төменгі жалақының 100 еселенген мөлшерінде бірреттік ақшалай төлем беріледі.

Бұдан бөлек, Заңда шегуге келмейтін темекі өнімдерін, вейптерді, хош иістендіргіштерді және оларға арналған сұйықтықтарды сатуға, таратуға, сондай-ақ оларды жарнамалауға тыйым салу қарастырылған (Бұл норма ресми жарияланғаннан кейін 60 күн өткен соң қолданысқа енгізіледі).

Заңның мәтіні баспасөзде жарияланады.

«Алатау» балалар клиникалық шипажай қызметкерлері «»Алматы — біздің ортақ үйіміз» атты  акциясын қолдады. Акция 8 сәуірде басталды және бір айға созылады. Бір ай бойы арнайы іс-шаралар өтеді. Мақсат – қаланы көркейтіп, тарзарту.

Мұндай жұмыстардың маңызы зор. Себебі  осы арқылы табиғатты және қоршаған ортаны сақтауға ықпал етуге болады.

Біріншіден, тазалық күндері қалаларда және табиғатта жиналатын қоқыс пен қалдықтардың мөлшерін азайтуға болады.  Аймақтарды қоқыстан тазарту қоршаған ортаның тазалығы сақтауға көмектеседі. Тазалық жұмыстарының арқасында судың және ауаның ластануын болдырмауға болады.

Екіншіден, тазалық жұмыстары қоғамның назарын экологиялық проблемаларға аударуға және оларды шешуге көмектеседі. Қоғамдық сенбіліктерге қатысу әрбір азаматқа қоршаған ортаны қорғауға үлес қосуға және экологиялық қозғалыстың белсенді қатысушысы болуға мүмкіндік береді. Бұл экологиялық мәдениетті және табиғатқа жауапкершілікпен қарауды қалыптастыруға ықпал етеді.

Үшіншіден, сенбіліктер өз қаласына, еліне деген мақтаныш сезімін қалыптастыруға септігін тигізеді. Қоғамдық сенбілікке қатысу адамдарға өзін қоғамның бір бөлігі ретінде сезінуге және ортақ мақсат – қоршаған ортаның тазалығы мен сұлулығын сақтау төңірегінде топтасуға көмектеседі.

#Алматыбіздіңортақүйіміз

#ҚалабіреуХалықтіреу